Dal bosch cina al’abitaziun
Lersc, peció, cier y pinch
Nos de Rier Holz laurun sö lëgn da odlagn de gran cualité y regional y I pitun soluziuns individuales por le bojëgn di laurs da zumpradú. Nosc sortimënt tol ite lëgn massif y d’intai sciöche brëies frontales, tafladöres groies, lates de vigni sort y brëies por sighé ite, sciöche ince lignan plané coche brëies da profil y brëies da terassa. L’oferta vëgn completada cun lëgn da costruziun sciöche bilam (lignan incolé a dui strac), lignan da cornisc, KVH (lignan da costruziun massif), plates de zipladöra, sciöche ince materiai de confezionamënt coche cassëtes de lëgn y paletes.
N gran valur ti dunse al’adoranza de lignan de lersc dl post che vëgn aprijé por süa dorada lungia y süa estetica. Tres l’adoranza de tecniches de lauraziun modernes y la cumpra de nosc lignan tla regiun, ne sostignunse nia ma l’economia locala, mo i smendriun ince les vies de trasport y i impac ambientai.
Dilan a nüsc prozesc de produziun flessibli sunse bugn da realisé dejiders individuai da pert di cliënc te na manira efiziënta y da ofrí soluziuns cun lëgn sön mosöra por vigni ghiranza.
Sorts de lëgn & produc sön chi che i sun spezialisá
Lersc (Larix Decidua)
- Lignan scadré
- Lignan taié da döes costes grou/plané
- Lignan d‘intai te larghëzes desvalies
- Brëies zënza scorza y taiades da cater perts
- Lates de vigni sort y mosöra
- Brëies por tafladöres groies
- Brëies da funz (da incastré)
- Brëies da parëi (da incastré)
- Brëies por tafladöres rodoses
- Brëies cun crazades (por terasses)
- Bilam (lignan incolé a dui strac)
Peció (Picea Abies)
- Lignan scadré
- Lignan taié da döes costes grou/plané
- Lignan d‘intai te larghëzes desvalies
- Lates de vigni sort y mosöra
- Brëies por tafladöres groies
- Brëies da funz (da incastré)
- Brëies da parëi (da incastré)
- Brëies por tafladöres rodoses
- Bilam (lignan incolé a dui strac)
- Lignan KVH (lignan da costruziun massif)
- Lignan da cornisc
Cier (Pinus Cembra)
- Lignan scadré
- Lignan taié da döes costes grou/plané
- Brëies zënza scorza y taiades da cater perts
- Brëies cun scorza y taiades da döes perts
Pinch
- Lignan scadré
- Lignan grou/plane
Paletes & cassëtes
EPAL o paletes europeiches
é paletes standardisades y azessibles da cater perts cun les mosöres 80×120. Ares vëgn tratades termicamënter y é insciö zertificades ISPM15. Tres chësc tratamënt termich vëgnel eliminé vigni parassit tl lignan y a chësta manira é chëstes paletes ince adatades por le trasport al ester.
Mosöres speziale: I ti dun gran importanza a tröpa flessibilité y porchël podunse prodüje vigni sort de paletes sce al é le dejider dl cliënt.
I desfarenziun:
- Paletes a cater perts (azessibles da cater perts p.ej. cun n impironadú a furcia)
- Paletes a döes perts (azessibles da döes perts p.ej. cun n impironadú a furcia)
Nos sun n’aziënda zertificada FITOK y i podun porchël traté termicamënter chëstes produziuns speziales te nostes ciamenes da secé por che ares corespogn ales normes ISPM15.
Cassëtes
Pro le material da confezionamënt che i produjun, aldel ince cassëtes de ortiada. Chëstes é dagnora produziuns speziales y vëgn prodütes aladô dles mosöres da pert dl cliënt. Tröc cliënc mëss por ejëmpl ortié mascins y marcianzes al ester y chir porchël na confeziun ideala por süa marcianza.
Ince te chësc cajé án indô la poscibilité da traté le material por che al sides adaté por l’esportaziun fora dl’Uniun Europeica.
